Spark

მიმდინარეობს რექონსტრუქცია

blackcrow — Sun, 27 Sep 2015 03:28:18 GMT

კარატეს ოსტატების გამონათქვამები

blackcrow — Tue, 03 Mar 2015 05:00:51 GMT

„ჩვენი კარატის გული არის ნამდვილი ბრძოლა,
ნამდვილი ბრძოლის გარეშე არ არის სიმართლე,
სიმართლის გარეშე არ არის ნდობა,
ნდობის გარეშე არ არის პატივისცემა.
ეს არის განსაზღვრება აღმოსავლური ორთაბრძოლის სამყაროში.“

/მასუტაცუ ოიამა/

„სპორტსმენი ხდება დამწყები ათასი დღის ვარჯიშის შემდეგ, ხოლო ექსპერტი ათი ათასი ვარჯიშის შემდეგ.“ /ოიამა

„მნიშვნელოვანია რომ ივარჯიშო და ისწავლო ტექნიკური უნარი. იმ ადამიანს, ვისაც სურს რომ მართლა შეასრულოს ბუდოს გზა, მისთვის მნიშვნელოვანია რომ მთელი მისი ცხოვრება ივარჯიშოს და არ აიღოს გეზი არა მხოლოდ უნარისკენ და ძალისკენ, არამედ სულიერი მიღწევებისკენაც .“ /ოიამა

„ადამიანის სიცოცხლე მიაღწევს სიკაშკაშეს და ძალას მხოლოდ მაშინ, როცა ის არის გაპრიალებული და თავშეკავებული.“ /ოიამა

„კარგი წიგნების კითხვა კარგ იდეებს ნერგავს გონებაში, ანვითარებს კარგ სურვილებს და უძღვება კარგი მეგობრების შეძენაში.“ /ოიამა

„სურვილი უნდა იყოს წმინდა და სუფთა ეგოიზმისაგან. იზრდება რა სულის სიღრმიდან, სურვილები არიან სულიერი მოთხოვნილებები რომლებიც იჭრებიან ყველა ადამიანის ცხოვრებაში და შესაძლებელს ხდიან რომ ადამიანი მოკლან. ადამიანი სურვილის გარეშე გავს გემს საჭის გარეშე ან ცხენს აღვირის გარეშე. სურვილები აძლევენ ცხოვრებას მუდმივ დავალებებს.“ /ოიამა

„რამდენადაც შესაძლებელია, მე არ მინდა არაფერი ქვეყანაზე იმის გარდა რომ მეცვას სავარჯიშო გი და ვასწავლიდე კარატეს.“ /ოიამა

„თუ მე ვინმე შემეკითხებოდა თუ რას უნდა მიუძღვნას ადამიანმა თავისი ცხოვრება, მე ვუპასუხებდი: ვარჯიშს. ივარჯიშე უფრო მეტი ვიდრე გძინავს.“ /ოიამა

„ადამიანი ყოველ დღე უნდა ცდილობდეს რომ გააფართოვოს თავისი შესაძლებლობის ლიმიტი.“ /ოიამა

„ყოველი გამარჯვების შემდეგ არის ახალი მთის წვერი დასაპყრობი.“ /ოიამა

„სანამ მოვკვდები, არ მინდა რომ ვიყო დაშორებული ჩემი დოგისგან, არ მინდა რომ შევწყვიტო ჩემი ვარჯიშები დოჯოში.“ /ოიამა

„უსწრაფესი გზა რომ მიაღწიო მამაცობას არის ის რომ მიყვე არჩეულ გზას და უნდა გსურდეს რომ მიატოვო თვით ცხოვრება სამართლიანობის გამო.“ /ოიამა

„თუ შენ გაქვს თავდაჯერება შენს სიტყვებში, სურვილებში, ფიქრებში და მოქმედებებში და აკეთებს შენს საუკეთესოს, შენ არ დაგჭირდება რომ ინანო იმ შედეგის გამო რასაც მიიღებ. შიში და კანკალი აქვს ადამიანს რომლიც იმედოვნებს რომ ყველაფერი ზუსტად ისე იქნება როგორც მას სურს.“ /ოიამა

„ადამიანს აქვს თეორიული უნარი ულიმიტო დეგრადაციისა, მაგრამ ასევე აქვს უნარი ულიმიტო განვითარებისა და მიღწევებისა. წარმატება დამყარებულია მიზნებზე და სიბეჯითეზე მის დევნაში.“ /ოიამა

„ყოველთვის იცოდე ბუდოს ნამდვილი მნიშვნელობა, რბილი სძლევს მყარს, პატარა სძლევს დიდს.“ /ოიამა

„ყველაზე მნიშვნელოვანი ცხოვრება არის ის როდესაც ადამიანმა იცხვორა სიმართლით და ჰქონდა სურვილი რომ დაენახა სამართლიანობა ყველგან.“ /ოიამა

„მე გავაანალიზე რომ შეუპოვრობა და ნაბიჯ-ნაბიჯ პროგრესისკენ სვლა არის ერთადერთი გზა რომ მიაღწიო მიზანს რა თქმა უნდა სწორ მიართულებასთან ერთად.“ /ოიამა

„ყოველ ჩვენთაგანს აქვს თავისი სიმხდალე. ყოველი ჩვენთაგანს ეშინია დაკარგვის და სიკვდილის. მაგრამ შეყოვნება არის გზა რომ დარჩე მხდალად მთელი ცხოვრება. ერთადერთი გზა რომ იპოვო სიმამაცე არის ის რომ ეძებო იგი ბრძოლის ველზე. ნამდვილი გზა გამარჯვებისკენ არის სურვილი რომ გაწირო სიცოცხლე.“ /ოიამა

„ჩვენ კიოკუშინში ვინარჩუნებთ რწმენას რომელსაც არ აქვს ცრუ რწმენა.“ /ოიამა

„ჩემი გზა არის კარატის გზა, რომელიც ასვე არის ადამიანობის გზა და რომელიც საბოლოოდ უკავშირდება სამოთხის გზას.“ /ოიამა

„ადამიანს რომელსაც ესმის თავაზიანობა, ის ადამიანი უდიდესი განძია. მე ვიმედოვნებ რომ ვავარჯიშებ და ხალხში გავუშვებ იმდენად ბევრ ასეთ ადამიანს რამდენსაც შევძლებ.“ /ოიამა

„ნამდვილი მამაცობა მაშინ იბადება როცა მას მოსდევს მამაცობა.“ /ოიამა

„კარატე არის ბუდო და თუ ბუდოს ამოიღებ კარატიდან, მაშინ ის სპორტზე მეტი არაფერი იქნება ან უბრალოდ მოდური კარატე იქნება, და ვარჯიშის იდეა უბრალოდ მოდური იქნება.“ /ოიამა

„მე ჩემი თავისთვის უფლება არ მიმიცია რომ უგულებელ მეყო ნებისმიერი აღმოსავლური ორთაბრძოლის ხელოვნება რომელიც არსებობს. რატომ? იმიტომ რომ ასეთი უგულებელყოფა არის შერცხვენა იმ ადამიანის რომელიც მისდევს ამ აღმოსავლური ორთაბრძოლის ხელონების ბილიკს.“ /ოიამა

„რადგანაც კარატე არის აღმოსავლური ორთაბრძოლის ხელოვნება, უნდა ივარჯიშო უდიდესი სერიოზულობით დასაწყისიდანვე.“ /გიჩინ ფუნაკოში

„აკეთე ზუსტად ისე როგორც გასწავლიან, არავითარი ჩივილის გარეშე.“ /გიჩინ ფუნაკოში

„როდესაც სწავლობ ახალ ტექნიკას ივარჯიშე მთელი გულით მანამ სანამ მას ბოლომდე არ გაუგებ.“/გიჩინ ფუნაკოში

„თავი არ მოიკატუნო რომ მაგარი ოსტატი ხარ და არ აჩვენო ბოლომდე შენი ძალა.“ /გიჩინ ფუნაკოში

„შენ უნდა უარყო ცუდი და მიიღო კარგი“ /გიჩინ ფუნაკოში

„სიბრაზე ჰგავს ცხელი ნახშირის აღებას და იმ ადამიანისკენ სროლას ვინც გძულს, მაგრამ შენ ხარ ერთადერთი რომელიც შავდება.“ /ბუდა

„თუ ყოველი ადამიანი დაეხმარებოდა თავის მეზობელს, არც ერთი ადამიანი არ დარჩებოდა დახმარების გარეშე.“ /ბრუს ლი

„წყალს შეუძლია გემი ატივტივოს და წყალს შეუძლია გემი ჩაძიროს.“ /ძველი ჩინური ანდაზა

„დააცარიელე შენი ფინჯანი რომ ისევ შეივსოს, გახდი ნაკლული რომ მოიპოვო სრულყოფილება.“ /ბრუს ლი.

კიოკუშინკაი კარატე

blackcrow — Tue, 03 Mar 2015 04:54:24 GMT

საქართველოს კიოკუშინკაი კარატეს ფედერაცია

კიოკუშინკაი კარატეს ისტორია

კიოკუშინკაი მსოფლიოში კარატეს ყველაზე ძლიერ სახეობად ითვლება, რომელიც ხასიათება ილეთების ეფექტურობით. „კიოკუშინკაი“ ითარგმნება იაპონურიდან ქართულ ენაზე ასეთი ფორმით „აბსოლიტური ჭეშმრიტების მაძიებელთა კავშირი“, ან „გზა შორეული ჭეშმარიტებისაკენ“. ამ სახეობის მიზანია ადამიანის სულისა და ფიზიკური სიძლიერის მაქსიმალურ დონეზე აწევა.
კიოკუშინკაი კარატეს დამაარსებელი მასუტაცუ ოიამა თვლის რომ, უმაღლესი მიზანი არა მარტო სხეულის ფიზიკური, არამედ საუკეთესო ხარისხების განვითარებაა მთლიანად. თუ სულიერი სიძლიერის განვითარება იგნორირებულია, მაშინ ვარჯიშები კარგავს აზრს.
ხშირად კიოკუშინკაი კარატეს თვლიან უხეშ სახეობად, მაგრამ ოიამა ამას ხსნის იმით რომ, კიოკუშინ კარატე არის საბრძოლო ხელოვნება, ხოლო კიოკუშინ -კარატისტი მებრძოლია, რომელიც მებრძოლის ნებისმიერ ხარისხს პასუხობს.

მასუტაცუ ოიამა
( იონგ ი ჩოი )

იონგ ი ჩოი, შემდგომში ხალხის მიერ წოდებული მასუტაცუ ოიამად, დაიბადა 1923 წლის 27 ივლისს სამხრეთ კორეაში. 9 წლის ასაკში საცხოვრებლად ჩინეთში თავის დასთან გადავიდა, სადაც ვარჯიში დაიწყო ჩინურ კემპოში „18 ხელი“.
1938 წელს მან დატოვა კორეა და იაპონიაში გადავიდა საცხოვრებლად, რაც იმ დროისთვის მოდაში იყო. ოიამა მოეწყო საავიაციო ინსტიტუტში და გახდა ერთ-ერთი პირველი კორეელი მფრინავი. მიუხედავად რთული და მძიმე მდგომარეობისა მან მაინც განაგრძო ვარჯიში ბოქსში და ძიუდოში. რამდენიმე ხნის შემდეგ იგი მოეწყო ლეგენდარულ გიჩინ ფუნაკოშის დოჯოში, სადაც იგი ვარჯიშობდა ცნობილ კარატეს სახეობაში - შოტოკანში, სადაც მასუტაცუ ყველას აკვირვებდა თავისი მიღწევებით.
17 წლის ასაკში მან ოსტატობის ხარისხის მეორე დანი მიიღო, 20 წლის ასაკში კი მე-4-ე დანის წოდება მიიღო. "თუ მკითხავენ რას უნდა მიუძღვნას ადამიანმა თავისი ცხოვრება, მე ვუპასუხებდი ვარჯიშებს" ამბობდა მასუტაცუ ოიამა. ასევე ძიუდოში მან ოთხი წლის განმავლობაში დიდ წარმატებას, ოსტატის მეოთხე დანის წოდებას მიაღწია.
მისი შემდგომი პერიოდი კარატესთვის კრიზისული გახდა. დასავლეთის სპორტმა დიდი გავლენა მოახდინა კარატეზე, რის შემდეგაც კარატემ დაკარგა თავისი საბრძოლო ხარისხი და მალე გადაიქცა სპორტულ უკონტაქტო კარატედ და სხვადასხვა საჩვენებელ პროგრამებად.
ამის შემდეგ ოიამამ გადაწყვიტა მთელი ცხოვრება მიეძღვნა სხვებისაგან განსხვავებით სულისა და ფიზიკური განვითარებისათვის.

1946 წელს ოიამა შეხვდა მწერალს, ეიჯი იოშიკავას, რომელმაც თავისი რომანი მიუძღვნა დიდებულ სამურაის და მოფარიკავეს მიამოტო მუსაშის. იოშიკავა ეხმარება ოიამას ღრმად ჩასწვდომოდა სამურაის კოდექსში. ამის შემდეგ ოიამამ გადაწყვიტა განმარტოვებულიყო ცივილიზებული სამყაროდან და ავიდა მინობუს მთაზე, სადაც ოდესღაც მუსაშიმ შექმნა ცნობილი მეფარიკავეთა სკოლა „ნიტუ-რიუ.“
ოიამასთან ერთად მისი მოსწავლე იაშირო ავიდა, რომელმაც ვერ გაუძლო მძიმე ვარჯიშებს და უკან დაბრუნდა. 14 თვის შემდეგ ოიამა მძიმე ფინანსური სირთულეების გამო ბრუნდება მინობუს მთიდან. იგი თავისი სიძლიერით და მკაცრი ხასიათით აკვირვებდა ყველას. ყველაფერმა ამან გადაწყვიტა კიოკუშინის ბედი.
1947 წელს კიოტოში იაპონიის პირველ ჩემპიონატზე ბრწყინვალედ იმარჯვებს ოიამა და პირველ ადგილს იკავებს.
1948 წელს ოიამა ისევ ტოვებს ცივილიზებულ სამყაროს და ადის კიოძუმის მთაზე, ვარჯიშების პერიოდში იგი ფანტასტიურ სიძნელეებს თავისუფლად უმკლავდებოდა. წვიმაში, თოვლში, ქარში, ყინვაში არ წყდებოდა მკაცრი ვარჯიშები, რომელიც დღეში 12 საათს მოიცავდა. ამტვრევდა რიყის ქვებს ხელით, ხეებს იყენებდა მაკივარის როლში. 18 თვის შემდეგ ოიამა ისევ ეშვება ცივილიზებულ სამყაროში.
1952 წელს ოიამა მიემგზავრება ამერიკაში, სადაც მან თავისი არაადამიანური ნორმებით აღაფრთოვანა ამერიკელები. ბრძოლები, რომელიც მან ჩაატარა ამერიკელ ცნობილ ბოქსიორებთან მთავრდებოდა წამებში.
ოიამა იყო პირველი ადამიანი,რომელმაც სამ დღეში 300 მოწინააღმდეგესთან ჩაატარა ბრძოლები, დღეში - 100 ბრძოლა და ყველა მოწინააღმდეგე დაამარცხა.
1954 წელს მასუტაცუ ოიამა ხსნის თავის პირველ დოჯოს ტოკიოში, მეჯიროში. მისი პირველი მოსწავლეები იყვნენ მაცუშიმა და მასუდა.
1957 წელს მასუტაცუ ოიამას უკვე 700 მოსწავლე ჰყავდა. მის სკოლაში ჩადებული იყო საფუძველი 1000 დღე ვარჯიში დამწყებებისათვის, 10,000 დღე რომ გაერკვე ჭეშმარიტებაში.
მასუტაცუ ოიამა ყოველთვის მუშაობდა ტექნიკაზე, რომელიც გამოდგებოდა ნამდვილ ბრძოლაში.
1964 წელს იაპონიაში ოფიციალურად სცნეს კიოკუშინკაი კარატეს ჰონბუ, რომელიც შემდგომ გახდა საერთაშორისო ორგანიზაციის ცენტრი. კიოკუშინკაი ამის შემდეგ ელვისებურად მოედო მთელ დედამიწის ზურგს. ამ სახეობაში 120 ქვეყანაზე მეტი ჩაერთო ვარჯიშებში, რომელიც ითვლიდა 10 მილიონზე მეტ მოვარჯიშეს.
1969 წელს ტოკიოში ორგანიზებული იყო პირველი ღია ჩემპიონატი კიოკუშინ კარატეში.
1975 შედგა პირველი სმოფლიო ჩემპიონატი კიოკუშინ კარატეში ტოკიოში, რომელმაც დაამტკიცა კიოკუშინკაის სიძლიერე. ვერცერთმა სხვა სახეობამ ვერ გაუწია წინააღმდეგობა კიოკუშინის მებრძოლებს. ჩემპიონი გახდა კაცუაკი სატო.
1979 წელს შედგა მეორე ჩემპიონატი, სადაც მაკოტო ნაკამურა გახდა ჩემპიონი.
1983 წელს შედგა მესამე მსოფლიო ჩემპიონატი, სადაც ისევ მაკოტო ნაკამურა გახდა ჩემპიონი
1987 წელს შედგა მეოთხე მსოფლიო ჩემპიონატი, რომელშიც 200 მებრძოლი მონაწილეობდა. ჩემპიონი აკიოში მაცუი გახდა.
1991 წელს შედგა მეხუთე მსოფლიო ჩემპიონატი სადაც 250 სპორტსმენი მონაწილეობდა. ჩემპიონი გახდა ქენჯი მიდორი.
1994 წესლ კიოკუშინკაი კარატემ დიდი დანაკარგი განიცადა, 70 წლის ასაკში გარდაიცვალა მასუტაცუ ოიამა. განუმეორებელი მოკაშკაშე ვარვსკვლავი. მიუხედავად მძიმე დღეებისა, რომელიც განიცადა კიოკუშინის სამყარომ, ჩვენ მაინც არ ვკარგავთ იმედს, რომ კიოკუშინის კაშკაშა ვარსკვლავი აინთება ახალი სიძლიერით.

ოიამამ დატოვა თავისი საქმის გამგრძელებლად იმ დროისათვის V დანის მფლობელი აკიოში მაცუი, მაგრამ ორგანიზაციის წევრებში უთანხმოების საფუძველზე ორგანიზაცია დაიყო რამოდენიმე განყოფილებად. შემდგომ ყველა განყოფილებამ მიიღო ოფიციალური სტატუსი. ყველა ორგანიზაცია იაპონიაში ატარებს თავიანთი ლიდერების სახელებს.

საქათველოს კიოკუშინკაი კარატე ფედერაციის კსო „მაცუშიმა“-ს ისტორია

საქართველოს კიოკუშინკაი კარატეს ეროვნული ფედერაციის პრეზიდენტმა სენსეი გურამ ბარაბაძემ იოშიკაზუ მაცუშიმასთან გააგრძელა მუშაობა 2000 წლიდან.
სენსეი გურამ ბარაბაძის რეკომენდაციის საფუძველზე იაპონიის ფილიალის ხელმძღვანელად დაინიშნა ბატონი ნოდარ კვანჭიანი. ცოტა ხნის შემდეგ ავადმყოფობის გამო გარდაიცვალა სენსეი გურამ ბარაბაძე.
2001 წელს ფედერაციის პრეზიდენტად არჩეული იქნა ბატონი ნოდარ კვაჭიანი, შავი ქამარიV დანი.
იაპონიაში მაცუშიმას ორგანიზაცია ითვლება ერთ-ერთ წარმატებულ ორგანიზაციად, სადაც გაერთიანებულია 69 ქვეყანა. ბატონი იოშიკაზუ მაცუშიმა ფლობს IX დანს და ითვლება ოიამას ერთ-ერთ საუკეთესო მოსწავლედ.

საქართველოს კიოკუშინკაი კარატეს ფედერაციაში გაერთიანებულია 11 კლუბი:

N დასახელება ქალაქი ხელმძღვანელი
1 „უშბა“ თბილისი შიჰან ნოდარ კვანჭიანი
2 „წმინდა ნინო“ რუსთავი სიმპაი ირმა ტამრაზოვა
3 „ცხუმი“ წყნეთი სიმპაი გელა კალანდია
4 „იბერია“ /191-ე სკოლა / თბილისი სიმპაი მაკა ქებურია
5 „შავნაბადა“ /163-ე სკოლა / თბილისი სიმპაი მარიამ ნარგიზაშვილი
6 „უშბა“ გარდაბანი სიმპაი გიორგი კვანჭიანი
7 „ფერუმი“ ქობულეთი სენსეი ნუგზარ კაჭარავა
8 „უშბა“ /182-ე / თბილისი სიმპაი გიორგი კვანჭიანი
9 „უშბა“ /157-ე სკოლა / თბილისი შიჰან ნოდარ კვანჭიანი
10 „წმინდა ნინო“ გაჩიანი სიმპაი ირმა ტამრაზოვა
11 „უშბა“ ქესალო სიმპაი ნიაზ იუსუბოვი

საქართველოს კიოკუშინკაი კარატეს ფედერაციამ სახელი გაითქვა საერთაშორისო არენაზე. სპორტსმენებმა მიაღწიეს მაღალ შედეგებს.

2004 წელს იაპონიაში მსოფლიო ჩემპიონატზე დიდ წარმატებას მიაღწია ირმა ტამრაზოვამ ქალთა შორის. იგი მსოფლიოს საუკეთესო მებრძოლის წოდებით დაბრუნდა საქართველოში, ხოლო 2005 წელს ევროპის ჩემპიონატზე ჰოლანდიაში მესამე საპრიზო ადგილი დაიკავა.
2009 წელს ევროპის ჩემპიონატზე, რომელიც ჩატარდა იტალიაში, ქ. კასარანოში მაკა ქებურიამ მეორე ადგილი დაიკავა ქალთა შორის 60 კგ. კატეგორიაში
2011 წელს ევროპის ჩემპიონატზე, რომელიც ჩატარდა უნგრეთში, ქალაქ ეგერში მაკა ქებურია ევროპის ჩემპიონის ტიტულთან ერთად ოქროს მედალს დაეუფლა, 2013 წლის ოქტომბერში კი მეორედ გახდა ევროპის ჩემპიონი.
ასევე საქართველოს ნაკრების წევრებმა რუსლან იოსელიანმა, ირმა ტამრაზოვამ, მაკა ქებურიამ, კუკური ძაძამიამ, გიო გურგულიანმა, ირაკლი მოდებაძემ, გიორგი ალავერდაშვილმა, გიორგი კვანჭიანმა და სხვებმა არა ერთხელ ასახელეს სხვადასხვა საერთაშორისო ტურნირებზე საქართველო.

ყველაზე გავრცელებული ქართული გვარები

blackcrow — Wed, 04 Jun 2014 04:53:10 GMT

ათი ყველაზე გავრცელებული ქართული გვარი ჩვენს ქვეყანაში

(1997 წ. მონაცემები)

1. ბერიძე - 24 797

2. კაპანაძე - 18 550

3. გელაშვილი - 17 995

4. მაისურაძე - 16 516

5. გიორგაძე - 14 582

6. კვარაცხელია - 13 618

7. ლომიძე - 12 949

8. შენგელია - 12 764

9. წიკლაური - 12 499

10. ხუციშვილი - 11 062

შვიდი ყველაზე გავრცელებული გვარი თბილისში

(2008 წ. მონაცემები)

1. მაისურაძე - 4 678

2. წიკლაური - 3 726

3. გელაშვილი - 3 174

4. ხუციშვილი - 2 997

5. კაპანაძე - 2 880

6. მჭედლიშვილი - 2 679

7. გიორგაძე - 2 476

სამი ყველაზე გავრცელებული გვარი რეგიონების მიხედვით

(2008 წლის მონაცემები)

აფხაზეთი:

1. შონია - 2 250

2. გოგოხია - 2 232

3. კვარაცხელია - 2 177

აჭარა:

1. ბერიძე - 11 935

2. ბოლქვაძე - 6 261

3. დიასამიძე - 5 050

გურია:

1. ჩხაიძე - 2 064

2. დოლიძე - 1 854

3. სიხარულიძე - 1 648

იმერეთი:

1. კაპანაძე - 6 073

2. გიორგაძე - 4 724

3. ცერცვაძე - 2 875

სამეგრელო-ზემო სვანეთი:

1. კვარაცხელია - 5 437 2.

2. თოდუა - 3 305

3. ფიფია - 2 914

რაჭა-ლეჩხუმ-ქვემო სვანეთი:

1. ლიპარტელიანი - 1 189

2. ონიანი - 806

3. მაისურაძე - 614

მცხეთა-თიანეთი:

1. წიკლაური - 1 987

2. ქავთარაძე - 1 000

3. აფციაური - 620

კახეთი:

1. მჭედლიშვილი - 1 959

2. ჯავახიშვილი - 1 615

3. მაისურაძე - 1 ?

ქართლი:

1. გელაშვილი - 3 059

2. ნოზაძე - 2 700

3. ლომიძე - 2 570

სამცხე-ჯავახეთი:

1. გელაშვილი - 2 265

2. გოგოლაძე - 1 682

3. ბერიძე - 1 510

წყარო:Georgian Genealogy

საქართველო(იცოდე შენი ქვეყნის ისტორია)

blackcrow — Thu, 02 Sep 2010 05:37:50 GMT

საქართველო — ქვეყანა ევრაზიაში, კავკასიაში, შავი ზღვის აღმოსავლეთ სანაპიროზე. ესაზღვრება ჩრდილოეთიდან რუსეთი, სამხრეთიდან თურქეთი და სომხეთი, და სამხრეთ-აღმოსავლეთიდან აზერბაიჯანი. ტრანსკონტინენტური ქვეყანა სამხრეთაღმოსავლეთ ევროპისა და დასავლეთ აზიის გასაყარზე მდებარეობს, თუმცა სოციოპოლიტიკურად და კულტურულად ევროპის ნაწილია.
თანამედროვე საქართველოს ტერიტორია მუდმივად დასახლებული იყო ადრეული ქვის ხანიდან მოყოლებული. კლასიკურ ანტიკურ ხანაში აყვავდა ადრეული ქართული სახელმწიფოები კოლხეთი და იბერია, რამაც დასაბამი მისდა საერთო ქართულ კულტურასა და სახელმწიფოებრიობას. ქრისტიანობა გაბატონდა ადრეული III საუკუნიდან; ქვეყანა გაერთიანებული მონარქია გახდა 1008 წელს. თუმცა მას შემდეგ საქართველომ აღორძინებისა და დაცემის რამდენიმე პერიოდი განვლო სანამ XVI საუკუნეში რამდენიმე მცირე პოლიტიკურ ერთეულად დაიშლებოდა. იმპერიულმა რუსეთმა ქართული მიწები ნაწილ-ნაწილ დაიპყრო 1801—1866 წლებში. რუსეთის რევოლუციის შემდგომ აღდგენილი დამოუკიდებელი ქვეყანა — საქართველოს დემოკრატიული რესპუბლიკა (1918—21) ბოლშევიკების მსხვერპლი გახდა და 1922 წლიდან საბჭოთა კავშირის ნაწილად იქცა.
საქართველომ დამოუკიდებლობა კვლავ 1991 წელს მოიპოვა. სამოქალაქო ომისა და მკაცრი ეკონომიკური კრიზისით გამოწვეული ქაოსის პერიოდის შემდეგ ქვეყანა შედარებით სტაბილური გახდა 1990-იანი წლების ბოლოს. 2003 წელს მომხდარი ვარდების (უსისხლო) რევოლუციით ქვეყნის სათავეში მოვიდა ახალი, პროდასავლური, რეფორმისტული მთავრობა. ახალი მთავრობის მისწრაფება ქვეყნის ნატოში გაწევრიანებასა და გამოყოფილი ტერიტორიების დაბრუნებისკენ რუსეთთან ურთიერთობას მკვეთრად აუარესებს. პარალელურად მიმდინარე სწრაფმა ეკონომიკურმა განვითარებმა ქვეყანა მნიშვნელოვანი ევრაზიული ენერგეტიკული პროექტების ეპიცენტრი გახადა.
საქართველო წარმომადგენლობითი დემოკრატიაა, ორგანიზებული როგორც უნიტარული, ნახევრად-საპრეზიდენტო რესპუბლიკა. ქვეყანა ამჟამად რამდენიმე საერთაშორისო ორგანიზაციის წევრია, მათ შორის გაეროს, ევროპის საბჭოს, სუამის, მსოფლიო სავაჭრო ორგანიზაციისა და შავი ზღვის ეკონომიკური თანამშრომლობის. საქართველო ასევე მიისწრაფვის ევროპის კავშირში ინტეგრაციასა და ჩრდილოატლანტიკურ ალიანსში გაწევრიანებას.

სახელწოდება
ქვეყნის სახელწოდება „საქართველო" მომდინარეობს „ქართ" ძირისაგან, რაც უძველეს სატომო სახელს „ქართუ, კარდუ, ხალდუ"-ს უკავშირდება. 1918—1921 წლებში იწოდებოდა „საქართველოს დემოკრატიულ რესპუბლიკად", 1990—1995 წლებში — „საქართველოს რესპუბლიკა"-დ. ქვეყნის საერთაშორისო კოდია — GE.

გეოგრაფია

საქართველო ევროპისა და აზიის გასაყარზე, კერძოდ, კავკასიაში მდებარეობს. დასავლეთიდან მას ესაზღვრება შავი ზღვა, ჩრდილოეთით — რუსეთის ფედერაცია, სამხრეთ-აღმოსავლეთით — აზერბაიჯანი, სამხრეთით — სომხეთი და თურქეთი. ტერიტორია: ქვეყნის ფართობი შეადგენს 69.700 კვ. კმ-ს, საზღვრების სიგრძე — 1771 კმ-ს, მათ შორის სახმელეთო — 1.461 კმ (სომხეთი 164, აზერბაიჯანი 322, რუსეთი 723, თურქეთი 252) და საზღვაო — 310 კმ. ბუნება: ქვეყნის ტერიტორია ძირითადად მთებს უკავია, ბუნება მრავალფეროვანია — სუბტროპიკებიდან კავკასიონის მყინვარებამდე; უმაღლესი მწვერვალია მთა შხარა 5.068 მ, უდაბლესი წერტილი — შავი ზღვა (0 მ); სახნავ-სათესი მიწა — 16 %, საძოვრები — 25 %, ტყეები — 34 %. მთავარი მდინარეები მტკვარი და რიონი. ბუნებრივი რესურსები: ტყეები, ჰიდროენერგია, მანგანუმი, რკინის მადანი, სპილენძი, ქვანახშირის და ნავთობის მცირე მარაგი; მთისა და ზღვის კლიმატური კურორტები.

სახელმწიფო
საქართველო შერეული ტიპის, ნახევრადსაპრეზიდენტო რესპუბლიკაა. სახელმწიფოს მეთაურია პრეზიდენტი, რომელიც აირჩევა 5 წლის ვადით პირდაპირი წესით. აღმასრულებელ ხელისუფლებას ახორციელებს მთავრობა, რომელსაც ხელმძღვანელობს პრემიერ-მინისტრი. ქვეყნის უმაღლესი საკანონმდებლო ორგანოა ერთპალატიანი პარლამენტი (150 წევრი), რომელიც ოთხ წელიწადში ერთხელ ირჩევა პროპორციული და მაჟორიტარული სისტემით. დედაქალაქი: თბილისი. სახელმწიფო ენა: ქართული, აფხაზეთის ავტონომიურ რესპუბლიკაში — აგრეთვე აფხაზური. ეროვნული დღესასწაული: 26 მაისი (1918), სახელმწიფოებრივი დამოუკიდებლობის დღე (1991 წლის 9 აპრილს, საბჭოთა იმპერიის 70-წლიანი მმართველობის შემდეგ, იმავე წლის 31 მარტის საყოველთაო-სახალხო რეფერენდუმის შედეგების საფუძველზე, საქართველოს რესპუბლიკის უზენაესმა საბჭომ მიიღო საქართველოს სახელმწიფოებრივი დამოუკიდებლობის აღდგენის აქტი).

ტერიტორიული მოწყობა
დღევანდელი ადმინისტრაციულ-ტერიტორიული დაყოფით საქართველოში 2 ავტონომიური რესპუბლიკა, 64 მუნიციპალიტეტი და 5 თვითმმართველი ქალაქი, მათ შორის დედაქალაქი თბილისია. კონსტიტუციის თანახმად ქვეყნის სახელმწიფო-ტერიტორიული მოწყობა უნდა განისაზღვროს საქართველოს მთელ ტერიტორიაზე ცენტრალური ხელისუფლების იურისდიქციის აღდგენის შემდეგ.
თითოეული მუნიციპალიტეტი ერთიანი თვითმმართველი ერთეულია, ერთგვაროვანი ფიზიკურ-გეოგრაფიული პირობებითა და გამოკვეთილი ბუნებრივი საზღვრებით. მნიშვნელოვანი ელემენტია ასევე მოსახლეობის ეთნოკულტურული სიახლოვე და ისტორიულად ჩამოყალიბებული ტერიტორიულ-ადმინისტრაციული ფუნქცია.

№	რეგიონი	დედაქალაქი
1	აფხაზეთი	სოხუმი
2	სამეგრელოს და ზემო სვანეთის	ზუგდიდი
3	გურია	ოზურგეთი
4	აჭარა	ბათუმი
5	რაჭა-ლეჩხუმის და ქვემო სვანეთი	ამბროლაური
6	იმერეთი	ქუთაისი

7	სამცხე-ჯავახეთი	ახალციხე
8	შიდა ქართლი	გორი
9	მცხეთა-მთიანეთი	მცხეთა
10	ქვემო ქართლი	რუსთავი
11	კახეთი	თელავი
12	თბილისი	თბილისი

დემოგრაფია
2006 წლის ოფიციალური მონაცემების მიხედვით, საქართველოს ცენტრალური ხელისუფლების მიერ კონტროლირებად ტერიტორიაზე მოსახლეობა დაახლ. 4.661.473-ს შეადგენს. მოსახლეობის ზრდის ტემპი შეადგენს 0,74%-ს.

ეთნიკური შემადგენლობა (საქართველოს 2002 წლის აღწერის შედეგების მიხედვით): ქართველები — 83,8 %, აზერბაიჯანელები — 6,5 %, სომხები — 5,7 %, რუსები — 1,5 %, ოსები — 0.9 %, იეზიდები — 0.4 %, ბერძნები — 0.3 %, ქისტები — 0.2 %, უკრაინელები — 0.2 %, აფხაზები — 0,1 %; რელიგიური შემადგენლობა (ძირითადად საქართველოს 2002 წლის აღწერის შედეგების მიხედვით): მართლმადიდებელი ქრისტიანები — 84.00 %, მუსლიმანები — 9.9 %, სომეხი გრიგორიანელები — 3.9 %, კათოლიკეები — 0.8 %, იეზიდები – 0.4%, იუდეველები — 0,1 %, ნესტერიანელები – 0.1% და სხვები. დიდი ქალაქები: თბილისი — 1.136.600, ქუთაისი — 188.600, რუსთავი — 117.300, ბათუმი — 122.200, სოხუმი — 43.000, გორი —42.000 , ზუგდიდი — 69,000, ფოთი — 47,400, ცხინვალი — 7,000.

კულტურა
არქიტექტურა: ქალაქი-მუზეუმი მცხეთა, გელათის სამონასტრო კომპლექსი, თბილისის ისტორიული ცენტრი, უფლისციხის და ვარძიის კლდეში ნაკვეთი კომპლექსები, დავით გარეჯის და შიო მღვიმის კომპლექსები; ბაგრატის ტაძარი; ზემო სვანეთი; ლიტერატურა: ქართული ეპოსი — ვეფხისტყაოსანი (შოთა რუსთაველი, XIII ს.). თეატრი: ფალიაშვილის სახ. ოპერისა და ბალეტის (თბილისი, 1851), რუსთაველის სახ. დრამატული (თბილისი, 1821), მარჯანიშვილის სახ. დრამატული (თბილისი, 1928). კულტურის თავისებურებები: პოლიფონიური სიმღერა, ორიგინალური დამწერლობა.

ეკონომიკა
საქართველოს ეკონომიკა
ვალუტალარი (GEL)
მთავარი მრეწველობა:ფოლადი, ავიაცია, მანქანათხელსაწყოები, ელექტროხელსაწყოები, მაღაროები (მანგანუმი და სპილენძი), ქიმიური, ხე-ტყე, ღვინო.
დამოუკიდებლობის გამოცხადებიდან დღემდე გრძელდება საბაზრო რეფორმები. ეკონომიკის მთავარი დარგებია სოფლის მეურნეობა (ჩაი, ციტრუსი, ხილი, თამბაქო, ღვინო), მანქანათმშენებლობა, მეტალურგია, ჰიდრორესურსები. დიდი ყურადღება ეთმობა საკურორტო-ტურისტული კომპლექსის აღდგენას, რომელიც ადრე ყოველწლიურად 2 მლნ ადამიანს ემსახურებოდა. სოფლის მეურნეობის პროდუქცია (ყურძენი, ჩაი, ციტრუსები); მთავარი სავაჭრო პარტნიორებია რუსეთი (18 %), თურქეთი (14 %), აზერბაიჯანი (12 %) და აშშ (6 %). • ერთობლივი ეროვნული პროდუქტი: სტრუქტურა (%) — სოფლის მეურნეობა 32; 1 სულ მოსახლეზე — 860 $. • ვალუტა — ქართული ლარი (GEL). დამატებითი ინფორმაცია: ქართული კომპანიები და ორგანიზაციები საბანკო-საფინანსო და დაზღვევის სისტემები
დიდი მამულიშვილი, ილია ჭავჭავაძე, საადგილმამულო სათავადაზნაურო ბანკის ხელმძღვანელობის პერიოდში, ჯერ კიდევ 1883 წლიდან გაზეთ «ივერია»-ში აქვეყნებს, ხსენებული ორგანიზაციის, საზოგადოებრივი მუშაობისა და ღვაწლის შემაჯამებელ ოქმებს (რუბრიკაში «შინაური მიმოხილვა»). ეს უკანასკნელი კი საფუძველი ხდება პირველი ქართული საბანკო-საფინანსო ინსტიტუტის — პირველი საჯარო წარდგინებისა. ილია მიზანმიმართულად მუშაობდა საბანკო მომსახურების კულტურის საქართველოში დამკვიდრების საკითხებზე. ასსზე მეტი წლის შემდეგ, XX საუკუნის 90-იან წლებში, დამოუკიდებლობის დაბრუნებიდან — დღემდე, საქართველოს საბანკო — საფინანსო ჯგუფები, მათი მოღვაწეობა და მიღწევები წარმოადგენს კიდევ ერთ, უმნიშვნელოვანეს ეროვნულ ფასეულობას სტაბილური, სახელმწიფოებრივი განვითარების გზაზე.

დღეს საქართველოს ეკონომიკის სექტორში მუშაობს რამდენიმე ძლიერი კომერციული ბანკი და ბანკების ასოციაცია:

საქართველოს ბანკების ასოციაცია ბაზის ბანკი

ბანკი რესპუბლიკა (ჯგუფი სოსიეტე ჟენერალი)

ვითიბი (ყოფილი გაერთიანებული ქართული ბანკი)

თიბისი ბანკი

პროკრედიტბანკი

საქართველოს ბანკი

სახალხო ბანკი

სილქ როუდ ბანკი

სტანდარტ ბანკი

ტაოპრივატბანკი

არასაბანკო საკრედიტო-სადეპოზიტო ორგანიზაციები და საფინანსო-საკრედიტო მხარდაჭერის პროგრამები:

განათლების ერთიანი საკრედიტო კავშირი

დაზღვევის სისტემა: დაზღვევის ასოციაცია

ალდაგი-ბი-სი-აი

ჯი-პი-აი

ჰოლდინგი
სახელმწიფო ინსტიტუტები:

საქართველოს ფინანსთა სამინისტრო

საქართველოს ეროვნული ბანკი

Knight's code

blackcrow — Sun, 15 Aug 2010 07:53:22 GMT

ათი მცნება
1. მე ვარ უფალი ღმერთი შენი და არა იყვნენ შენდა ღმერთნი უცხონი, ჩემსა გარეშე.
2. არა ჰქმნე თავისა შენისა კერპნი,არცა ყოველადვე მსგავსნი,რაოდენი არს ცათა შინა ზე და რაოდენი არს ქუეყანასა ზედა ქვე და რაოდენი არს წყალთა შინა ქუეშე ქუეყანისა; არა თაყვანი-სცე მათ, არცა მსახურებდე მათ.
3. არა მოიღო სახელი უფლისა ღმრთისა შენისა ამაოსა ზედა.
4. მოიხსენე დღე იგი შაბათი და წმიდა-ჰყავ იგი. ექვს დღე იქმოდე და ჰქმნე მათ შინა ყოველივე საქმე შენი, ხოლო დღე იგი მეშვიდე შაბათი არს უფლისა ღვთისა შენისა.
5. პატივ-ეც მამასა შენსა და დედასა შენსა, რათა კეთილ-გეყოს შენ და დღეგრძელ იყვნე ქუეყანასა ზედა.
6. არა კაც-ჰკლა.
7. არა იმრუშო.
8. არა იპარო.
9. არა ცილი-სწამო მოყუასსა შენსა წამებითა ცრუითა.
10. არა გული გითქუმიდეს ცოლისათვის მოყუასისა შენისა, არა გული გითქუმიდეს სახლისათვის მოყუასისა შენისა, არცა ყანისა მისისა, არცა მონისა მისისა, არცა მხევლისა მისისა, არცა ხარისა მისისა, არცა კარაულისა მისისა, არცა ყოვლისა საცხოვარისა მისისა, არცა ყოვლისა მისისათვის, რაიცა იყოს მოყუასისა შენისა.